Англия терма жамоаси собиқ футболчиси Гари Линекер Германия ЖЧ—2018 даги иштирокини гуруҳ босқичида якунлагач, машҳур иборасига ўзига хос тарзда ўзгартириш киритди.
«Футбол — 22 киши 90 дақиқа тўп ортидан югурадиган оддий ўйин, аммо немислар ҳар доим ҳам ютавермайди. Олдинги версия тарихга айланди», — деб ёзади Линекер Twitter’даги расмий саҳифасида.
Маълумот учун ЖЧ—1990 нинг ярим финалида Англия Германия федератив республикасига пенальтилар сериясида ютқазиб қўйгач, Линекер «Футбол — 22 киши тўп кетидан югурадиган, якунда эса немислар ғалаба қозонадиган оддий ўйин», — деб айтганди. Кейинчалик унинг бу ибораси ўта машҳур бўлиб, оммалашиб кетганди.
Изоҳ (0)