WhatsApp’da suratlarni yashirish funksiyasi paydo bo‘ladi

WhatsApp Android operatsion tizimida ishlaydigan qurilmalar egalariga boshqa foydalanuvchilar tomonidan jo‘natilgan suratlarni yashirish imkonini beradi. Bu haqda “RIA Novosti” xabar berdi.

Ta’kidlanishicha, yangi funksiya dasturning Android v2.18.195 uchun mo‘ljallangan sinov talqinida paydo bo‘lgan.

Xabar berilishicha, messenjer foydalanuvchilari telefonga yuborilgan surat, video va audiofaylni avtomatik tarzda saqlash funksiyasini o‘chirib qo‘ya oladi.

Yangi imkoniyat guruhli chatlarda ham ishlaydi va telefon xotirasida ko‘proq joyni saqlashga va shaxsiylik darajasini oshirishga imkon beradi.