Twitter “trollar“ bilan kurashish uchun kompaniya sotib oldi

Twitter tarmoqda foydalanuvchilarning izohlari va postlari asosida hujum qiluvchi trolling, kiberbulling va boshqa harakatlarni aniqlash bilan shug‘ullanuvchi Smyte kompaniyasini sotib oldi. Bu haqda “Korrespondent.net” xabar berdi.

Savdo summasi ikki tomondan ham ma’lum qilinmagan. Smyte texnologiyasi mikroblogga potensial buzg‘unchilarni samarali aniqlash imkonini berishi kutilmoqda. Buzg‘unchilar ro‘yxatiga ega bo‘lgach, Twitter ularni bloklab qo‘yishi va hatto politsiyaga murojaat qilishi mumkin.