Apple kompaniyasi Apple News yangiliklar dasturida AQSh Kongressiga saylovlar haqidagi yangiliklar bo‘limini ishga tushirgani haqida ma’lum qildi. Bu bo‘limga tekshirilgan nashrlarning faqat “faktlarga asoslangan” yangiliklari joylashtiriladi. Bu haqda TJournal xabar berdi.
Yangiliklardan tashqari, Midterm Elections bo‘limida bu nashrlar mualliflarining dolzarb mavzular haqidagi fikrlari joy oladi. Alohida tugma ostida birlashtiriladigan bo‘limda foydalanuvchilarga ular obuna bo‘lmagan nashrlardan maqolalar taklif qilinadi.
Apple News bosh muharriri Loren Kern tomonidan ma’lum qilinishicha, shu tariqa xizmat “mahalliy boshlovchi” bo‘lishga va o‘quvchilarga nomzodlar va ular muhokama qilayotgan masalalarni tushunishga yordam bermoqchi.
Apple News vakilining qayd etishicha, yangi bo‘lim joriy yilning noyabr oyigacha, ya’ni Kongress saylovlarigacha o‘z ishini davom ettiradi.
Izoh (0)