Toshkentda bo‘lib o‘tayotgan SAP-Forum doirasida Toshkentdagi Xalqaro Vestminster universiteti va SAP o‘rtasida universitetda SAP Next-Gen Lab innovatsiyalar akademik markazini tashkil etish haqida bitim imzolandi. Bu haqda UzDaily xabar bermoqda.
SAP bilan imzolangan hujjat doirasida oliy o‘quv yurtida SAP Next-Gen Lab laboratoriyasi tashkil etiladi. Bu laboratoriyada universitet talabalarini jalb etgan holda sanoat korxonalari va buyurtmachilar uchun innovatsion yechimlar ishlab chiqiladi.
SAP laboratoriya loyihalari uchun sanoat sheriklari va mijozlarini qidirish jarayonida, SAP yechimlari, texnologiyalari va metodologiyalarini o‘zlashtirishda OTMning loyiha jamoalariga faol ravishda maslahatlar beradi, shuningdek, laboratoriyani boshlang‘ich texnik jihozlashda ko‘maklashadi.
SAP yordamida masofaviy va qatnab o‘qiladigan kurslar, treninglar, texnik brifinglar tashkil qilinadi. Laboratoriyada mahorat darslari, xakatonlar hamda SAP va boshqa tashkilotlar ekspertlari ishtirokida tadbirlar bo‘lib o‘tadi.
Izoh (0)