Тошкентда бўлиб ўтаётган SAP-Форум доирасида Тошкентдаги Халқаро Вестминстер университети ва SAP ўртасида университетда SAP Next-Gen Lab инновациялар академик марказини ташкил этиш ҳақида битим имзоланди. Бу ҳақда UzDaily хабар бермоқда.
SAP билан имзоланган ҳужжат доирасида олий ўқув юртида SAP Next-Gen Lab лабораторияси ташкил этилади. Бу лабораторияда университет талабаларини жалб этган ҳолда саноат корхоналари ва буюртмачилар учун инновацион ечимлар ишлаб чиқилади.
SAP лаборатория лойиҳалари учун саноат шериклари ва мижозларини қидириш жараёнида, SAP ечимлари, технологиялари ва методологияларини ўзлаштиришда ОТМнинг лойиҳа жамоаларига фаол равишда маслаҳатлар беради, шунингдек, лабораторияни бошланғич техник жиҳозлашда кўмаклашади.
SAP ёрдамида масофавий ва қатнаб ўқиладиган курслар, тренинглар, техник брифинглар ташкил қилинади. Лабораторияда маҳорат дарслари, хакатонлар ҳамда SAP ва бошқа ташкилотлар экспертлари иштирокида тадбирлар бўлиб ўтади.
Изоҳ (0)