Adliya vazirligi tomonidan Xotin-qizlarni va oilani qo‘llab-quvvatlash jamoat fondi davlat ro‘yxatidan o‘tkazildi. Bu haqda Adliya vazirligining Telegram’dagi “Huquqiy axborot” kanali orqali ma’lum qilindi.
“Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi Prezident farmoniga muvofiq, Xotin-qizlarni va oilani qo‘llab-quvvatlash jamoat fondini tashkil etish belgilangan edi.
Shu munosabat bilan Adliya vazirligi tomonidan Xotin-qizlarni va oilani qo‘llab-quvvatlash jamoat fondi davlat ro‘yxatidan o‘tkazildi.
Mazkur tashkilotning asosiy maqsadi xotin-qizlarni va oilani har tomonlama qo‘llab-quvvatlash, shu jumladan, og‘ir ijtimoiy ahvolga tushib qolgan xotin-qizlar va oilalarga, nogironligi bo‘lgan ayollarga moddiy yordam ko‘rsatish hisoblanadi.
Izoh (0)