Markaziy harbiy okrugi harbiy xizmatchilari Jizzaxning Baxmal tumanidagi Zartepa qishlog‘ida istiqomat qilayotgan 92 yoshli urush qatnashchisi Xojibobo Ashurmatovning uyiga tashrif buyurdi. Bu haqda Mudofaa vazirligi matbuot xizmati “Daryo”ga xabar berdi.
Turot va Toshbuvadan yolg‘iz farzand Xojibobo Ashurmatov dalada omoch haydayotgan pallada urushga chaqirilgan. 16 yoshli o‘spirin qariyb sakkiz yil umrini qonli janggohlarda o‘tkazib, Berlin ostonalarigacha kirib borgan.
Xojibobo va Zuhra aya (birinchi turmush o‘rtog‘i Qiziloy aya 1983-yilda vafot etgan) 19 farzandni tarbiyalab, kamolga yetkazdi. Eng kichik qizi 22 yoshli Muhayyo Turotova Xojibobo 70 yoshga kirganida dunyoga kelgan.
Harbiy xizmatchilar urush qatnashchisi Xojibobo Ashurmatovni bayram bilan tabriklab, sovg‘alar ulashdi.
Izoh (0)