Qo‘shma Shtatlar terrorchilarning Kobuldagi saylovchilarni ro‘yxatga olish markazida uyushtirgan hujumini qoralaydi va Vashington Afg‘oniston hukumatini IShID guruhiga qarshi kurashishda qo‘llab-quvvatlashga tayyor. Bu haqda AQSh davlat kotibi vazifasini bajaruvchi Jon Sallivanning 22-aprel kuni tarqatilgan bayonotida ma’lum qilindi, deb yozadi “TASS”.
“AQSh hukumati nomidan xudkush terrorchilarning Kobuldagi bugungi hujumini keskin qoralayman. Hujum oqibatida 60 ga yaqin odam halok bo‘ldi, yana 100 dan ortig‘i jarohat oldi, — deyiladi matnda. — O‘z demokratik huquqlarini amalga oshirayotgan begunoh fuqarolarga nisbatan bu ma’nosiz zo‘ravonlik terrorchilarning shafqatsiz ekanligini ko‘rsatadi”.
Sallivanning so‘zlariga qaraganda, AQSh o‘zining afg‘on va xalqaro hamkorlari bilan birgalikda Afg‘onistonda IShIDni yo‘q qilishga sodiq. “Biz Afg‘oniston hukumati va xalqini ularning terrorizmga qarshi kurashida qo‘llab-quvvatlaymiz”, — deya ishontirdi u.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)