Qirg‘iziston prezidenti Sooronbay Jeenbekov Muhammadkali Abilgaziyevni mamlakat bosh vaziri etib tayinlash haqidagi farmonni imzoladi. Bu haqda “Kabar” ma’lum qildi.

Muhammadkali Abilgaziyev.

Foto: “Kabar”

Jogorku Kenesh deputatlari navbatdan tashqari yig‘ilishda Abilgaziyevning nomzodi, shuningdek, Qirg‘izistonning hisob bo‘yicha 30-hukumati dasturi, tizimi va tarkibini tasdiqladi.

Muhammadkali Abilgaziyev 1968-yilda Qirg‘izistonning Norin viloyatida tug‘ilgan. Skryabin nomidagi qishloq xo‘jalik instituti hamda Xalqaro universitetning iqtisodiyot va biznes fakultetini tamomlagan.

U bosh vazir etib tayinlangunga qadar Qirg‘iziston prezidenti apparatini boshqarayotgandi.