KXDR yetakchisi Kim Chen In Pxenyan yadroviy qurollar va uning texnologiyasini boshqa mamlakatlarga bermasligini ma’lum qildi. Bu haqda u Koreya Mehnat partiyasining yig‘ilishida so‘zlagan, deb xabar beradi “Gazeta.ru”.
Shu bilan birga mamlakat yetakchisi yadroviy va raketa sinovlari to‘xtatilishini, yadroviy poligonlarning yopilishini ma’lum qildi.
“21-apreldan boshlab Shimoliy Koreya yadroviy sinovlar va qit’alararo ballistik raketalar uchirishni to‘xtatadi”, — deyiladi xabarda.
“Bizning mamlakatimizga nisbatan yadroviy qurol orqali tahdid qilishmasa, biz hech qachon o‘zimizning yadroviy qurolimizdan foydalanmaymiz. Har qanday vaziyatda ham biz yadroviy qurollarni va uning texnologiyasini boshqa mamlakatlarga bermaymiz”, — deydi Kim Chen In.
Izoh (0)