Videoso‘rovnoma: O‘zbekiston Superligasi 6-turidagi 16 goldan eng chiroylisini tanlang!

“Daryo” internet-nashri mushtariylari futbol bo‘yicha O‘zbekiston Superligasining 4-turidan beri har turning eng chiroyli goli borasida o‘z fikrini bildirib kelmoqda. Xususan, “Nasaf” yarim himoyachisi Azizjon G‘aniyev tomonidan “Metallurg” darvozasiga yo‘llangan gol 4-turning eng chiroyli goli deb topilgan bo‘lsa, 5-tur yakunlari bo‘yicha o‘tkazilgan so‘rovnomada “Paxtakor” darvozasiga “Buxoro” futbolchisi Salamat Qutiboyev tomonidan kiritilgan golga teng keladigani topilmadi.

11—12-aprel kunlari Superligada 6-tur uchrashuvlari bo‘lib o‘tdi. Turning olti uchrashuvidan faqat bittasida hisob ochilmadi, qolgan besh uchrashuvda esa muxlislar jami 16 gol guvohiga aylanishdi. Ajoyib sermahsullik, shunday emasmi?

“Daryo” futbol ishqibozlarini O‘zbekiston Superligasi 6-turining eng chiroyli golini aniqlash bo‘yicha so‘rovnomada ishtirok etishga chaqiradi. Gollarni tomosha qiling va sizning nazaringizda eng chiroyli golga ovoz bering!

“Bunyodkor” (Toshkent) — “Metallurg” (Bekobod) 3:1

“Bunyodkor” yarim himoyachisi Sardor Sobirxo‘jayev goli

“Metallurg” futbolchisi Shahzod Shaymanov penaltidan urgan gol

“Bunyodkor” sardori Javlon Ibrohimov goli

“So‘g‘diyona” (Jizzax) — “Navbahor” (Namangan) 3:2

“Navbahor” yetakchisi Azizbek Turg‘unboyev goli

“So‘g‘diyona” yarim himoyachisi Jahongir Abdumo‘minov goli

“So‘g‘diyona” futbolchisi Dilmurod Karimov goli

“So‘g‘diyona” yarim himoyachisi Izzat Abdullayev goli

“Nasaf” (Qarshi) — “Lokomotiv” (Toshkent) 2:1

“Nasaf” futbolchisi Igor Golban goli

“Nasaf” sardori Dragan Cheran goli

AGMK (Olmaliq) — “Qo‘qon-1912” (Qo‘qon) 0:0

“Paxtakor” (Toshkent) — “Qizilqum” (Navoiy) 2:1

“Qizilqum”ning serbiyalik hujumchisi Nemanya Yovanovich penaltidan urgan gol

“Paxtakor”ning portugaliyalik hujumchisi Ismoil Gonsalvesh goli

“Neftchi” (Farg‘ona) — “Buxoro” (Buxoro) 0:1

Sizningcha, bu turda kimning goli eng chiroyli?

[playbuzz-item playbuzz_url="muhrima10/4-12-2018-8-12-50-pm6"]