Ommabop Telegram messenjerining asoschisi va egasi Pavel Durov Buyuk Britaniya fuqarosi hisoblanadi. Bu Buyuk Britaniya firmalari reestrida keltirib o‘tilgan, Durov tomonidan asos solingan Telegram Network Open kompaniyasi ham mazkur reestrga kiritilgan. Bu haqda “RIA Novosti” xabar berdi.
Ma’lumotga ko‘ra, ustav kapitali 800 million dollarni tashkil qiluvchi kompaniya 28-fevralda ro‘yxatdan o‘tkazilgan va uning bosh direktori Pavel Durov Buyuk Britaniya fuqarosi hisoblanadi. Kompaniya ofisi Londonda joylashgan.
Buyuk Britaniya IIV “RIA Novosti” tomonidan Durovning fuqaroligi yuzasidan berilgan so‘rovga izoh berishdan bosh tortgan. Biroq mamlakatda firma ochish uchun mahalliy fuqarolikka ega bo‘lish shart emasligi aytilgan.
Izoh (0)