AQShning BMTdagi doimiy vakili Nikki Xeyli fikricha, Vashington o‘zi manfaatdor bo‘lgan paytlarda Moskva bilan hamkorlik qilishi kerak, ammo tomonlar o‘rtasida hech qachon do‘stona aloqalar bo‘lmaydi, deb yozadi “TASS”.
“Mamlakatimizda Rossiya bizning do‘stimizmi yoki yo‘qmi degan mavzuda siyosiy bahslar bo‘lgan. Aslida bu noto‘g‘ri savol, chunki Rossiya hech qachon bizga do‘st bo‘lmaydi. Ammo shu bilan birga, bu bizning ular bilan ishlashni xohlamasligimizni bildirmaydi”, — dedi diplomat.
Uning so‘zlariga ko‘ra, AQSh o‘ziga zarur bo‘lgan vaqtda Rossiya bilan hamkorlik qiladi, zarur vaqtda esa zarba beradi. Xeyli “aynan shunday bo‘lishi kerak” deb hisoblaydi.
Izoh (0)