Bugun, 3-aprel sanasida Yevropa Chempionlar Ligasining ¼ final uchrashuvlariga start beriladi.
“Yuventus” — “Real Madrid”
Turinning “Yuventus” jamoasi o‘z maydonida Zinedin Zidan boshchiligidagi Madridning “Real”ini qabul qiladi. YeChLning o‘tgan yilgi Kardiffda o‘tgan final uchrashuvida “Yuventus” aynan “Real Madrid”ga 1:4 hisobida mag‘lub bo‘lgan edi. Bu safar esa jamoalar chorak finaldayoq bir-biriga duch keldi.
Uchrashuv Toshkent vaqti bilan 23:45 da boshlanadi. O‘yin UzReport telekanali tomonidan to‘g‘ridan to‘g‘ri efirda uzatiladi.
“Sevilya” — “Bavariya”
Nimchorak finalda “Manchester Yunayted”ni musobaqadan chiqarib yuborgan Vinchenso Montella boshchiligidagi “Sevilya” bugun o‘z uyida Myunxenning “Bavariya”si bilan kuch sinashadi. Bu bellashuv ham Toshkent vaqti bilan 23:45 da boshlanishi belgilangan. Uchrashuv Futbol-TV telekanali tomonidan to‘g‘ridan to‘g‘ri efirda uzatiladi.
Yevropa Chempionlar Ligasi
Chorak final bahslari
3-aprel, seshanba
Izoh (0)