26-mart kuni 2:00 atrofida Mirzo Ulug‘bek tumanida joylashgan Les Ailes fast-fud restorani va “Chopar” pitsseriyasida yong‘in yuz berdi, deb yozadi UzNews Toshkent shahar Yong‘in xavfsizligi boshqarmasi Matbuot xizmatiga tayanib.
Yong‘in haqida ma’lumot soat 2:09 da berilgan va tezkor guruh voqea joyiga soat 2:19 da yetib borgan. 12 daqiqa ichida esa yong‘in to‘liq bartaraf etilgan.
Ma’lum bo‘lishicha, yong‘in “Chopar” pitsseriyasida boshlangan. Alanga unga yondosh bo‘lgan Les Ailes binosini ham qamrab olgan.
Yong‘in natijasida jami 80 kv.m maydon yonib ketgan.
Hozirda yong‘in sabablari o‘rganilmoqda, ma’lumotlarga ko‘ra, ushbu yong‘in natijasida hech kim jarohat olmagan.
Izoh (0)