Syerra-Leonening milliy saylov komissiyasi dunyoda birinchi bo‘lib blokcheyn texnologiyasidan foydalangan holda prezident saylovini o‘tkazdi. Bu haqda “Afisha Daily” xabar berdi.
Prezident saylovida Syerra-Leone aholisining taxminan 70 foizi ishtirok etdi. Ovoz berishning butun jarayoni blokcheyndan foydalangan holda, anonim tarzida o‘tkazilgan. Biroq har bir ovoz haqidagi yozuv tizimda saqlanib qolgan, shuning uchun saylovdan keyin xohlovchilar bu ma’lumotlarni o‘rganishi mumkin.
Blokcheyn asosidagi texnologiyani yaratish ustida Agora kompaniyasi ishlagan. Kompaniya vakillarining so‘zlariga ko‘ra, blokcheyn jarayonni ochiq va halol o‘tkazishga imkon beradi. Ochiqlik bilan bir qatorda, blokcheyndan foydalanish saylovlarning tashkiliy jarayonlari xarajatlarini kamaytiradi, chunki ovoz berish byulletemlarini chop etishga zarurat qolmaydi.
Izoh (0)