Сьерра-Леоненинг миллий сайлов комиссияси дунёда биринчи бўлиб блокчейн технологиясидан фойдаланган ҳолда президент сайловини ўтказди. Бу ҳақда «Afisha Daily» хабар берди.
Президент сайловида Сьерра-Леоне аҳолисининг тахминан 70 фоизи иштирок этди. Овоз беришнинг бутун жараёни блокчейндан фойдаланган ҳолда, аноним тарзида ўтказилган. Бироқ ҳар бир овоз ҳақидаги ёзув тизимда сақланиб қолган, шунинг учун сайловдан кейин хоҳловчилар бу маълумотларни ўрганиши мумкин.
Блокчейн асосидаги технологияни яратиш устида Агора компанияси ишлаган. Компания вакилларининг сўзларига кўра, блокчейн жараённи очиқ ва ҳалол ўтказишга имкон беради. Очиқлик билан бир қаторда, блокчейндан фойдаланиш сайловларнинг ташкилий жараёнлари харажатларини камайтиради, чунки овоз бериш бюллетемларини чоп этишга зарурат қолмайди.
Изоҳ (0)