Bugun,

  • USD 11095.31
  • RUB 173.84
  • EUR 10772.44

O‘zbekiston Prezidenti Shavkat Mirziyoyev “O‘zbekiston Respublikasi fuqarolarining vaqtinchalik mehnat faoliyatini amalga oshirish uchun respublika tashqarisiga transportda chiqish vaqtida xavfsizligini ta’minlash chora-tadbirlari to‘g‘risida”gi qarorni imzoladi.

Qaror sharhi O‘zbekiston Bandlik va mehnat munosabatlari vazirligi tomonidan e’lon qilindi.

Foto: “Uzairways.com”

Foto: “Uzairways.com”

Vazirlik sharhida qayd etilishicha, Prezidentning ushbu qarori vaqtinchalik mehnat faoliyatini amalga oshirish joyiga yetib borishda xavfsizlikni ta’minlash uchun qulay sharoitlar yaratish va yo‘l-transport xalokatlarining oldini olishga qaratilgan.

Vaqtinchalik mehnat faoliyatini amalga oshirish uchun respublika tashqarisiga chiqayotgan fuqarolarga temiryo‘l va aviachiptalar narxlariga chegirmalar taqdim etish tizimi joriy etilmoqda:
  • birinchidan, “O‘zbekiston temir yo‘llari” va O‘zbekiston havo yo‘llari” 2018-yil 1-apreldan vaqtinchalik mehnat faoliyatini amalga oshirish uchun O‘zbekistondan tashqariga chiqayotgan fuqarolarga plaskart va umumiy vagonlarga temiryo‘l chiptalari hamda iqtisodiy (ekonom) klass aviachiptalar narxlariga 20 foizgacha chegirma taqdim etadi;
  • ikkinchidan, vaqtinchalik mehnat faoliyatini amalga oshirish uchun respublikadan tashqariga chiqayotgan har bir fuqaroga temiryo‘l va aviachipta xarid qilish xarajatlarini qisman qoplash uchun 300 ming so‘m miqdorda beg‘araz to‘lov bir yilda bir marta amalga oshiriladi.
Buning uchun “Aloqabank”ning moliyaviy barqarorligi va likvidliligi oshiriladi — davlat byudjeti va Axborot-kommunikatsiya texnologiyalarini rivojlantirish jamg‘armasidan 100 milliard so‘m “Aloqabank” ustav kapitaliga kiritiladi.

Shu bilan birgalikda, temiryo‘l va aviachiptalarni imtiyozli tariflarda xarid qilishning asosiy sharti — vaqtinchalik mehnat faoliyatini amalga oshirish uchun O‘zbekistondan tashqariga chiqayotgan fuqarolarni imtiyozli tariflarda chipta taqdim etishning shaffofligini ta’minlash maqsadida Tashqi mehnat migratsiyasi agentligi elektron ma’lumotlar bazasiga ro‘yxatga olish hisoblanadi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi