Davomi: Xorijga ishlagani ketayotgan o‘zbekistonliklarga temiryo‘l- va aviachiptalar chegirma bilan sotiladi. Chiptaning 300 ming so‘mini davlat qoplab beradi; O‘zbekistondan Rossiya va Qozog‘istonga temiryo‘l qatnovlari ko‘paytiriladi. Milliy loukoster bo‘yicha taklif 1-maygacha hukumatga taqdim etiladi
Qaror sharhi O‘zbekiston Bandlik va mehnat munosabatlari vazirligi tomonidan e’lon qilindi.
Qarorda, jumladan, vaqtinchalik mehnat faoliyatini amalga oshirish uchun O‘zbekistondan tashqariga chiqayotgan fuqarolar murojaatlari va ehtiyojlariga muvofiq mehnat organlarining faoliyatini takomillashtirish chora-tadbirlari ko‘zda tutilmoqda.
Bandlik va mehnat munosabatlari vazirligining tuman (shahar) Bandlikka ko‘maklashish markazlari tuzilmasida umumiy 300 shtat birligida vaqtinchalik mehnat faoliyatini amalga oshirish uchun respublika tashqarisiga chiqayotgan fuqarolar bilan ishlash sektorlarini tashkil etiladi.
Mazkur sektorlarning asosiy majburiyatlari — uyma-uy yurib vaqtinchalik mehnat faoliyatini amalga oshirish uchun respublika tashqarisiga chiqib ketishni rejalashtirayotgan fuqarolarni aniqlash hamda ular bilan chet elga xavfsiz chiqish va imtiyozli tariflarda temiryo‘l va aviachiptalar sotuvi mexanizmi masalalari bo‘yicha axborot-tushuntirish va targ‘ibot ishlarini amalga oshirish hisoblanadi.
Vaqtinchalik mehnat faoliyatini amalga oshirish uchun respublika tashqarisiga chiqib ketayotgan fuqarolarning raqobatbardoshligini oshirish maqsadida Tashqi mehnat migratsiyasi agentligiga chet tillari va ishlab chiqarish kasblariga o‘qitish kurslarni tashkil etishni ta’minlash topshirilgan.
Qarorda vaqtinchalik mehnat faoliyatini amalga oshirish uchun respublika tashqarisiga chiqib ketayotgan fuqarolar uchun quyidagilarni o‘z ichiga olgan bank va sug‘urta xizmatlarini ko‘rsatish nazarda tutilgan:
- “Aloqabank”ning soddalashtirilgan ochish shartlari bilan VISA-migrant plastik kartalarini joriy etish hamda “Ipotekabank” tomonidan vaqtinchalik mehnat faoliyatini amalga oshirish uchun respublikadan tashqariga chiqayotgan fuqarolarga 1000 AQSh dollari ekvivalentida kredit ajratish;
- “O‘zagrosug‘urta” tomonidan Rossiyaga vaqtinchalik mehnat faoliyatini amalga oshirish uchun ketayotgan fuqarolarni kompleks sug‘urta himoya qilish bo‘yicha Rossiyada o‘z vakolatxonalarini ochish, imtiyozli tariflar bo‘yicha temiryo‘l va aviachiptalar sotish ixtisoslashtirilgan kassalarda vaqtinchalik fuqarolarning hayoti va sog‘lig‘ini sug‘urtalashni rasmiylashtirish uchun doimiy tarzda sug‘urta agentlarini joylashtirish.
Izoh (0)