Bahraynda teraktlarga tayyorgarlikda gumon qilingan 100 dan ortiq odam qamoqqa olindi

Bahrayn politsiyasi bitta terrorchi tashkilot a’zolari ekanligi taxmin qilingan 116 kishini qamoqqa oldi. Bu haqda “Kommersant” xabar bermoqda.

Mamlakat IIVga ko‘ra, ular neft va ijimoiy infrastruktura obyektlari, shuningdek, kuch tizimlari rahbarlariga hujum uyushtirishga tayyorgarlik ko‘rgan. Tintuvlar chog‘ida gumonlanuvchilardan ko‘p miqdorda portlovchi moddalar topildi.

Hibsga olinganlar tayyorgarliklari bilan Eronning Islom inqilobi qo‘riqchilari korpusi, Livanning “Hizbulloh” va Iroqning “Asoib al-Haq” shia tuzilmalari shug‘ullanganini tan olgani bildirilmoqda.

Tarmoqning 48 nafar faoli Eron, Iroq va Livandagi lagerlarda mashg‘ulot o‘tagan. Terrorchilarning yetakchilari ushbu davlatlarga qochishga ulgurdi.