Xitoyda qonun chiqaruvchilar oilalarga uchinchi farzandni ko‘rish uchun ruxsat berishi mumkin. Tegishli masalani ular shu yil martda Butunxitoy xalq vakillari majlisining yillik sessiyasida muhokama qiladi, deb yozadi “RIA Novosti”.
Taklifni Guandun provinsiyasi vakili Chju Leyuy ilgari surgan. Uning so‘zlariga ko‘ra, oilalarni rejalashtirish siyosati tufayli Xitoy tug‘ilish darajasi past bo‘lgan mamlakatga aylanib qolishi mumkin.
“‘Bir oila — bir bola’ siyosatining bekor qilinishidan kutilgan natijalar va buning samarasi o‘rtasida katta farq bor, bu aholining shitob bilan o‘sishiga emas, aksincha, tug‘ilish darajasining pasayishiga olib keldi”, — deya aniqlik kiritdi Chju Leyuy.
Davlat statistika byurosi ma’lumotlariga ko‘ra, 2017-yilda Xitoyda 17,23 million bola tug‘ilgan, bu 2016-yilga nisbatan 630 ming nafarga kam demakdir.
Izoh (0)