23-fevral kuni AQSh elchisi Pamela Spratlen va Davlat bojxona qo‘mitasi raisining birinchi o‘rinbosari Jasur Aripov 230 ta radiatsiya detektorini tantanali topshirish marosimida ishtirok etdi, deb xabar berdi AQSh elchixonasi matbuot xizmati. Ushbu ko‘mak 2017-yil 1-avgustda Qo‘shma Shtatlar va O‘zbekiston o‘rtasida tuzilgan o‘zaro anglashuv memorandumiga muvofiq amalga oshirildi.
AQSh va O‘zbekiston o‘rtasida yadro va radiologik qurol tarqatmaslik bo‘yicha hamkorlik xavfsiz va yanada bexatar dunyo barpo etishda muhim ahamiyat kasb etadi. Bu yangi jihozlar yordamida O‘zbekiston Bojxona qo‘mitasi chegara o‘tish punktlarida xavfli yadro va radiologik materiallarni samaraliroq aniqlay oladi.
AQShning keng qamrovli masalalarda hamkorligi O‘zbekiston mustaqilligi, suvereniteti va hududiy yaxlitligini qo‘llab-quvvatlaydi, shu bilan birga transmilliy xavfsizlik tahdidlariga qarshi turishda mamlakat qobiliyatini oshiradi. 2001-yildan buyon Qo‘shma Shtatlar va O‘zbekiston xavfli yadroviy, biologik, kimyoviy va radiologik materiallar tarqalishining oldini olishda yaqindan hamkorlik qilib kelmoqda.
Izoh (0)