Samarqand shahrida avtomobil davlat raqamini yechib olgan 18 yoshli o‘quvchi yigit qo‘lga tushdi. Bu O‘zbekiston IIV Jamoatchilik va ommaviy axborot vositalari bilan aloqalar boshqarmasi ma’lum qildi.
Xabar berishlaricha, 12-fevralga o‘tar kechasi Samarqand shahar Gagarin ko‘chasida yashovchi, viloyat soliq boshqarmasi haydovchisi U.Mardonov o‘z boshqaruvidagi viloyat soliq boshqarmasiga tegishli Epica mashinasining orqa tomon davlat raqam belgisini noma’lum shaxs yechib olganligini ma’lum qilgan.
Ko‘rilgan choralar natijasida, ushbu harakat Samarqand turizm kolleji 2-kurs o‘quvchisi, 2000-yilda tug‘ilgan B.T. tomonidan sodir etganligi aniqlanib, davlat raqam belgisi B.T.ning uyi orqasida joylashgan daraxtlar orasidan topilgan.
Izoh (0)