Rossiyaning Oltoy o‘lkasidagi Smolensk tumanida o‘smir mahalliy aholiga pensiya tarqatib yurgan pochtachi ayolni o‘ldirdi. Bu haqda “RIA Novosti” xabar berdi.
Ma’lumotlarga ko‘ra, hodisa 17-yanvarda yuz bergan. Xususiy uylardan birining hovlisida o‘smir ayolga tashlanib, tayoq bilan uning bosh qismiga bir necha marta urgan va pichoq bilan jarohat yetkazgan. 54 yoshli ayol olingan jarohatlardan voqea joyida halok bo‘lgan.
O‘smir ichida 35 ming rubl pul bo‘lgan sumkani olib qochgan va jasadni qor bilan ko‘mib tashlagan. 15 yoshli o‘smir shu kunning o‘zida qo‘lga olingan.
Izoh (0)