Janubiy Koreya Sohil xavfsizligi xizmati Yapon dengizida KXDRlik baliqchini qutqardi. 8-yanvar kuni Ullindo orolining shimoli-g‘arbidan 20 dengiz mili uzoqlikdagi singan qayiq aniqlangan edi, deb xabar berdi “TASS”.
“Tegishli idoralar hozirda sodir bo‘lgan vaziyatni tekshirmoqda va qutqarib olingan inson KXDRga qaytishi yoki ‘janub’da qolish xohishi bilan qiziqmoqda”, — deya ta’kidlanadi xabarda.
Koreya davlatlari orasidagi dengiz chegaralarida bu kabi hodisalar tez-tez sodir bo‘lib turadi. Janubiy Koreya hukumati odatda o‘z mamlakati hududiga o‘tib qolgan KXDR fuqarolariga tanlash imkoniyatini beradi: “Janub”da qolish yoki vatanga qaytish.
Oxirgi marta bu kabi holat o‘tgan yilning 20-dekabrida, ikki nafar KXDR fuqarosi Janubiy Koreyaga qochib o‘tganida sodir bo‘lgan. Ular qayiqda Yapon dengizi bo‘ylab Janubiy Koreya suvlariga qadar suzib kelgan va patrul kemasi tomonidan qo‘lga olingan. Qochoqlar Janubiy Koreya qolishni istashlarini ma’lum qilgan.
Izoh (0)