Samarqand, Buxoro, Xorazm va Qashqadaryo IIBlarining xavfsiz turizmga mas’ul rahbarlari tayinlandi

O‘zbekiston Ichki ishlar vazirligi tizimida bir qator tayinlovlar amalga oshirildi. Bu haqda, “Postda” gazetasiga asoslanib, UzNews xabar bermoqda.

Xabar berishlaricha, podpolkovnik Rustem Boltaniyozov Qoraqalpog‘iston ichki ishlar vaziri o‘rinbosari — Kadrlar boshqarmasi boshlig‘i etib tayinlangan.

Polkovnik Muhammadjon Otaboyev Xorazm viloyat IIB boshlig‘i o‘rinbosari — Xavfsiz turizmni ta’minlash boshqarmasi boshlig‘i etib tayinlangan.

Podpolkovnik Mirzoxon Zubaydullayev Samarqand viloyat IIB boshlig‘i o‘rinbosari — Xavfsiz turizmni ta’minlash boshqarmasi boshlig‘i lavozimini egallagan.

Podpolkovnik Erkin Safarov Buxoro viloyat IIB boshlig‘i o‘rinbosari — Xavfsiz turizmni ta’minlash boshqarmasi boshlig‘i etib tayinlangan.

Podpolkovnik Azizxon Saidxo‘jayev Qashqadaryo viloyat IIB boshlig‘i o‘rinbosari — Xavfsiz turizmni ta’minlash boshqarmasi boshlig‘i lavozimiga tayinlangan.