“Atletiko” Yevropa Ligasiga tushdi. “Roma” peshqadam, “Chelsi” ikkinchi jamoa sifatida guruhdan chiqdi

Yevropa Chempionlar Ligasining eng kuchli guruhlaridan biri deya e’tirof etilgan “C” zonasini Rimning “Roma” klubi peshqadam sifatida yakunladi.

So‘nggi turda Ozarbayjonning “Qorabog‘” klubini minimal hisobda taslim qilgan “Roma”, London yetakchisi bilan bir xilda ochko jamg‘ardi. Ma’lumki, o‘zaro o‘yinlarda “Roma” “Chelsi”dan ustunlik qilgandi — 3:3, 3:0. Aynan shu sababdan peshqadamlik “bo‘rilar”ga nasib qildi.

Turnir g‘olibligi uchun da’vogarlardan biri deya e’tirof etilgan, Ispaniya La Ligasida mavsumni mag‘lubiyatsiz o‘tkazayotgan “Atletiko” esa pley-offdan quruq qoldi. Londonda durang qayd etgan Diyego Simeone jamoasi endi Yevropa Ligasida ishtirok etadi.

Yevropa Chempionlar Ligasi “C” guruhi. 6-tur o‘yinlari 5-dekabr, seshanba

“Chelsi” — “Atletiko” 1:1

“Roma” — “Qorabog‘” 1:0