Европа Чемпионлар Лигасининг энг кучли гуруҳларидан бири дея эътироф этилган «C» зонасини Римнинг «Рома» клуби пешқадам сифатида якунлади.
Сўнгги турда Озарбайжоннинг «Қорабоғ» клубини минимал ҳисобда таслим қилган «Рома», Лондон етакчиси билан бир хилда очко жамғарди. Маълумки, ўзаро ўйинларда «Рома» «Челси»дан устунлик қилганди — 3:3, 3:0. Айнан шу сабабдан пешқадамлик «бўрилар»га насиб қилди.
Турнир ғолиблиги учун даъвогарлардан бири дея эътироф этилган, Испания Ла Лигасида мавсумни мағлубиятсиз ўтказаётган «Атлетико» эса плей-оффдан қуруқ қолди. Лондонда дуранг қайд этган Диего Симеоне жамоаси энди Европа Лигасида иштирок этади.
Европа Чемпионлар Лигаси «C» гуруҳи. 6-тур ўйинлари 5 декабрь, сешанба
«Челси» — «Атлетико» 1:1
Голлар: Сауль, 56 (0:1). Стефан Савич, 75-авт (1:1).«Рома» — «Қорабоғ» 1:0
Гол: Диего Перотти, 53 (1:0).
Изоҳ (0)