Yevropaning Airbus SE samolyotsozlik konserni Dubaydagi avtosalonda umumiy qiymati 49,5 milliard dollar bo‘lgan 430 ta samolyotni yetkazib berish bo‘yicha bitimlar paketini imzoladi. Bu haqda Bloomberg’ga tayanib, “Vedomosti” xabar berdi.
Buyurtmachilar sifatida ulushiga Amerikaning Indigo Partners investitsiya fondi egalik qiluvchi aviakompaniyalar chiqqan. Xususan, 146 ta samolyot Vengriyaning Wizz Air aviakompaniyasiga, 134 ta havo kemasi Amerikaning Frontier Airlines aviakompaniyasiga, 70 tasi esa Chilining JetSmart aviakompaniyasiga yetkazib beriladi.
Agentlik manbasining ma’lum qilishicha, 15-noyabr kuni Airbus yana bir qator shartnomalarni tuzishi mumkin. Potensial mijoz sifatida FlyDubai ko‘rilmoqda, u 175 ta samolyot buyurtma qilishi kutilmoqda.
Izoh (0)