Rossiya iqtisodiy taraqqiyot vaziri Maksim Oreshkin Vyetnamdagi Osiyo-Tinch okeani iqtisodiy hamkorligi sammitida ikki tomonlama uchrashuv chog‘ida o‘z smartfonini Vladimir Putinga bergan. Epizod “Rossiya 24” telekanalidagi “Vesti nedeli” dasturida namoyish etilgan reportajga tushib qoldi, deb yozadi TJournal.
“Hi-tech.mail.ru” nashri jurnalistlari prezidentning qo‘lida iPhone X bo‘lganini taxmin qildi. Reportajda smartfon g‘ilof ichida turganini ko‘rish mumkin.
Putin Oreshkinning smartfonida aynan nimani “varaqlagani” noma’lum. Reportajga ko‘ra, shundan so‘ng prezident vazir bilan yuzma-yuz gaplashib olgan. Putin qurilmani qaytarib bergan lahza ko‘rsatilmagan.
Izoh (0)