AQSh prezidenti Donald Tramp mamlakatda chegara nazorati kuchaytirilishini ma’lum qildi, deb xabar berdi “Kommersant”.

Foto: Reuters

“Men Ichki xavfsizlik vazirligiga chegara nazorati dasturimizni kuchaytirish haqida topshiriq berdim. Siyosiy jihatdan to‘g‘ri bo‘lish yaxshi, lekin bu vaziyatda emas!”, — deb yozadi Tramp o‘zining Twitter’dagi sahifasida.

Amerika prezidentining chegara nazoratini kuchaytirish borasidagi xabari Nyu-Yorkda pikap haydovchisi katta tezlikda velosiped yo‘lagaga bostirib kirib, 8 kishining umriga zomin bo‘lganidan so‘ng paydo bo‘ldi. Politsiya gumonlanuvchini qo‘lga olgan.

Eslatib o‘tamiz, oktabr oyi oxirida Donald Tramp AQShga kirish qoidalarini kuchaytirish borasidagi qarorga imzo chekkan edi.