Bugun,

  • USD 11095.31
  • RUB 173.84
  • EUR 10772.44

“O‘zbekiston temir yo‘llari” aksiyadorlik jamiyati mutaxassislari va quruvchilari tomonidan Urganch va Xiva shaharlari oralig‘ida yangi temiryo‘l liniyasini qurish ishlari amalga oshirilmoqda, deb xabar beradi jamiyat axborot xizmati.

Foto: “O‘zbekiston temir yo‘llari” AJ

Foto: “O‘zbekiston temir yo‘llari” AJ

Loyihaga ko‘ra, 31,7 km yangi temiryo‘llar yotqizish, Xivada milliy uslubni o‘zida jamlagan zamonaviy temiryo‘l vokzalini qurish ko‘zda tutilgan. Hozirgi kunda tuproq va yer ishlari deyarli yakunlandi. Maxsus mexanizatsiyalashtirilgan yo‘l stantsiyasi jamoasi tomonidan 743 ming kub metr tuproq ishlari bajarildi. Bugungi kunga kelib, jami 93 ta sun’iy inshootdan 63 tasi qurib bitkazildi.

Bunyodkorlik jarayoniga 200 nafardan ortiq ishchi-muhandis, 100 ga yaqin qurilish texnikasi jalb qilingan.

Xiva shahrida zamonaviy, milliy uslublar bilan uyg‘unlashgan temiryo‘l vokzalini qurish ishlari ham jadal sur’atlarda olib borilmoqda. “Boshtransloyiha” aksiyadorlik jamiyati mutaxassislari bu yerga kelayotgan sayyohlarga qulaylik yaratish maqsadida vokzal binosini ko‘hna Xivadan uncha uzoq bo‘lmagan hududga joylashtirdi.

Loyihaga ko‘ra, vokzal bir vaqtning o‘zida 200 nafar yo‘lovchiga xizmat ko‘rsatish imkoniyatiga ega.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
“Sirli odam” — Murali Lal Jalanning Minerva City bo‘yicha intervyusi bahslarga sabab bo‘lmoqda. Lal Jalan aslida kim?
Sport
Bobur Abduxoliqov Belarusda mavsumning eng yaxshi to‘purari va eng yaxshi futbolchisi sovriniga ega chiqdi