Ijtimoiy tarmoqlarda O‘zbekiston Prezidenti Shavkat Mirziyoyevning iyun oyida Farg‘ona viloyatiga amalga oshirgan tashrifi chog‘ida o‘tkazilgan faollar yig‘ilishidan avval e’lon qilinmagan videoparcha paydo bo‘ldi.
To‘liq video
Unda Prezident soliq organlari faoliyatini keskin tanqid qilayotgani, soliqchilar orasida o‘z kasbiga noloyiqlar, aholiga nisbatan adolatsizlik qilayotganlar uchrashi haqida fikr bildirayotganini ko‘rish mumkin.
“Menga bunday soliqchilar kerak emas!”, — deydi Shavkat Mirziyoyev.
Nimaga Parpiyev (Davlat soliq qo‘mitasi raisi)ni jo‘natsam, uch soat ichida bir tumandan 95 million so‘m pul topiladi? 95 million so‘m pul! Qani budjetning puli? Hammasi cho‘ntakka ketyapti. Uch yil ham ishlamasdan, to‘rt qavatli uy qurasan hammang, 20 ta mashina olasan. Qayerdan bular? Oylikdan olasanmi? Sal insofli bo‘lgin! O‘g‘ri bo‘l, insofli bo‘l, sal.Shavkat Mirziyoyev, O‘zbekiston Prezidenti
Prezidentning ta’kidlashicha, avvalo sadoqat va adolat bilan ishlash, poraxo‘rga aylanmay, mehnat qilish kerak.
Menga tajribasi kerak emas. Yosh bo‘lsa ham, davlat amalini olib, sadoqat bilan ishlasa bo‘ldi. Tajriba kerak emas. Tajribani o‘zim o‘rgataman. Menga sadoqat kerak. Tamom! O‘zini qiynaydigan, Farg‘onani yaxshi ko‘radigan odam kerak.Shavkat Mirziyoyev, O‘zbekiston Prezidenti
Izoh (0)