Rossiya Premyer-Ligasida faoliyatini davom ettirayotgan O‘zbekiston milliy terma jamoasi hujumchisi Eldor Shomurodov “Rostov” safida ikkinchi bor asosiy tarkibda ko‘rinish berdi.
Temurxo‘ja Abduxoliqov Qatarda mavsumdagi 4-golini Sanjar Tursunov jamoasiga urdi
U va jamoadoshlari “Rubin”ga 0:1 hisobida imkoniyatni boy berib qo‘ydi. Maydonda 72 daqiqa to‘p surgan Shomurodov o‘rnini Tomofey Kalachevga bo‘shatib berdi. Shu kuni rostovlik futbolchilar penaltidan aniq foydalana olmadi.Shomurodov bunga qadar 8-tur doirasidagi “Zenit”ga qarshi o‘yinni ham asosiy tarkibda boshlab, 68 daqiqa harakat qilgandi. O‘sha uchrashuvda ham “Rostov” gol ura olmagan — 0:0. Shomurodov esa navbatdagi 3 ta bellashuvda maydonga tushirilmagan.
O‘zbekistonlik futbolchi hozirgacha jami 7 ta o‘yinda ishtirok etdi. Biroq gol ura olganicha yo‘q.
Premyer-Liganing 13-turi o‘zbekistonlik futbolchilar to‘p suradigan jamoalar uchun omadsiz keldi. Turnir jadvalida peshqadam bo‘lib turgan “Lokomotiv” Vitaliy Denisov to‘liq o‘ynagan bellashuvda “Ufa”dan yengildi. Vadim Afonini ko‘rinish bermagan uchrashuvda “Anji” yutqazib qo‘ydi.
Bugun — dushanba oqshomida Vagiz Galiulin harakat qiladigan “Tosno” o‘zbekistonlik futbolchilar to‘p suradigan klublarning nursiz o‘yinlariga chek qo‘yib berishi mumkin. Galiulin hozirgacha 8 ta o‘yinda ishtirok etib, 2 ta gol urishga muvaffaq bo‘lgan.
Rossiya Premyer-Ligasi 13-tur bellashuvlari 14-oktabr, shanba
“Ural” — “Anji” 2:1
Gollar: Erik Bikfalvi, 56 (1:0). Vladimir Ilin, 87 (2:0). Sergey Brizgalov, 88 (2:1).15-oktabr, yakshanba
“Ufa” — “Lokomotiv” 1:0
Gol: Silvestr Igbun, 76 (1:0).“Rostov” — “Rubin” 0:1
Gol: Yann M’Vila, 67 (0:1).Noaniq penalti: Jan Mayer, 45 (mezbon).16-oktabr, dushanba“Amkar” — “Tosno” — 19:30
Izoh (0)