Nukus va Navoiyda Yevropa kinosi kunlari bo‘lib o‘tadi

Joriy yilning 24-avgust sanasida “O‘zbekkino” Milliy agentligi hamda Yevropa Ittifoqi delegatsiyasi o‘rtasida erishilgan kelishuvga ko‘ra, 6—15-oktabr kunlari Nukus va Navoiy shaharlarida V Yevropa kino festivali o‘tkaziladi. Bu haqda agentlik  matbuot xizmati xabar bermoqda.

Mazkur festivalda Yevropaning 6 ta, ya’ni Buyuk Britaniya, Germaniya, Finlyandiya, Fransiya, Chexiya va Shveysariya davlatlaridan jami 7 ta badiiy, hujjatli va animatsion filmlar ishtirok etadi.

Film namoyishi sanasi:

6—8-oktabr, Nukus shahri

13—15-oktabr, Navoiy shahri

Seanslar vaqti: 11:00, 17:00, 19:00

Filmlar ro‘yxati:

1. “Xaydi” (Shveysariya, sarguzasht)
2. “Parvoz” (Fransiya, multfilm)
3. “Ko‘l haqida ertak” (Finlyandiya, hujjatli)
4. “To‘rt qirol” (Germaniya, drama)
5. “Kichkina odam” (Chexiya, komediya)
6. “So‘nggi olmos” (Fransiya, drama)
7. “Qirol nutqi” (Britaniya, drama)