Meksikada 19-sentabrda ro‘y bergan 7,1 magnitudali zilzila mamlakatdagi minglab maktab binolarini shikastladi. Bu haqda Meksika maorif vaziri Aurelio Nuno Mayer ma’lum qildi, deya xabar beradi “TASS”.
“Oxirgi hisobotga ko‘ra, nafaqat Mexiko, balki tabiiy ofatdan jabrlangan boshqa mintaqalar — Gerrero, Mexiko, Morelos, Oaxaka va Puebla shtatlarida ham 10 mingga yaqin maktabga u yoki bu darajada shikast yetdi. 400 ta maktabni to‘liq ta’mirlashga to‘g‘ri keladi”, — dedi vazir.
Mexikoda o‘quv muassasalari holatini teshirish davom etmoqda. 25-sentyabr, dushanba kuni poytaxtda atigi 103 maktab o‘z faoliyatini tikladi.
Izoh (0)