Iroq Kurdistonidagi referendum ishtirokchilarining 93 foizdan ortig‘i hudud mustaqilligini yoqlab ovoz berdi. 282 mingta ovozlar hisoblab chiqilgach, shunday natija namoyon bo‘ldi, deb yozadi “RIA Novosti” Kurdiston referendum va saylovlar bo‘yicha oliy mustaqil komissiyasiga tayanib.
Komissiya raisi ma’lum qilishicha, mustaqillikka qarshi saylovchilarning 6,71 foizi ovoz bergan. U natijalar o‘zgarishi mumkinligini, chunki hisoblash jarayoni davom etayotganini aytdi. Rasmiy natijalar 28-sentabr, payshanba kuni e’lon qilinadi.
So‘nggi ma’lumotlarga ko‘ra, referendumda 3,3 millionga yaqin kishi qatnashdi, unda saylovchilarning 72,16 foizi qatnashdi.
Izoh (0)