Futbolchilari talash bo‘lgan “Monako” 2 ochko yo‘qotdi. Iker Kasilyas ilk turdayoq 3 ta gol o‘tkazdi

Chempionlar Ligasining so‘nggi mavsumida yarim finalga qadar yetib kelgan va katta sensatsiya ko‘targan Fransiyaning “Monako” klubi, bu safargi ishtirokini durang bilan boshladi.

So‘nggi mavsum Bundesligada katta sensatsiya qilib, undagi debyutidayoq kumush medallarga ega chiqqan “Leytpsig”ning “Monako”ga qarshi o‘yini 1:1 hisobida yakuniga yetdi. Mehmonlar mezbonlarning goliga 1 daqiqa ichida javob qaytara oldi.

Turkiyaning “Beshiktosh” klubi esa Portugaliyadan 3 ochko bilan qaytdi. Pepe, Alvaro Negredo kabi futbolchilarni o‘z safiga qo‘shib olgan turk klubi, 3 ochko olish uchun Iker Kasilyas darvozasini uch bor aniq nishonga oldi.

26-sentabr kuni “Monako” uz uyida “Portu”ni qabul qiladi. Bundesliga vakili esa Turkiyaga keladi.

Yevropa Chempionlar Ligasi “G” guruhi. 1-tur 13-sentabr, chorshanba

“Leyptsig” — “Monako” 1:1

Gollar: Emil Forsberg, 33 (1:0). Yuri Tilemans, 34 (1:1).

“Portu” — “Beshiktosh” 1:3

Gollar: Taliska, 13 (0:1). Dushko Toshich, 21-avt (1:1). Jenk Tosun, 28 (1:2). Rayan Babel, 86 (1:3).