Футболчилари талаш бўлган «Монако» 2 очко йўқотди. Икер Касильяс илк турдаёқ 3 та гол ўтказди

Чемпионлар Лигасининг сўнгги мавсумида ярим финалга қадар етиб келган ва катта сенсация кўтарган Франциянинг «Монако» клуби, бу сафарги иштирокини дуранг билан бошлади.

Сўнгги мавсум Бундеслигада катта сенсация қилиб, ундаги дебютидаёқ кумуш медалларга эга чиққан «Лейпциг»нинг «Монако»га қарши ўйини 1:1 ҳисобида якунига етди. Меҳмонлар мезбонларнинг голига 1 дақиқа ичида жавоб қайтара олди.

Туркиянинг «Бешиктош» клуби эса Португалиядан 3 очко билан қайтди. Пепе, Альваро Негредо каби футболчиларни ўз сафига қўшиб олган турк клуби, 3 очко олиш учун Икер Касильяс дарвозасини уч бор аниқ нишонга олди.

26 сентябрь куни «Монако» уз уйида «Порту»ни қабул қилади. Бундеслига вакили эса Туркияга келади.

Европа Чемпионлар Лигаси «G» гуруҳи. 1-тур 13 сентябрь, чоршанба

«Лейпциг» — «Монако» 1:1

Голлар: Эмил Форсберг, 33 (1:0). Юри Тилеманс, 34 (1:1).

«Порту» — «Бешиктош» 1:3

Голлар: Талиска, 13 (0:1). Душко Тошич, 21-авт (1:1). Женк Тосун, 28 (1:2). Райан Бабел, 86 (1:3).