DNK-test ispaniyalik Pilar Abel mashhur syurrealist rassom Salvador Dalining qizi emasligini ko‘rsatdi. Bu haqda “TASS” xabar bermoqda.
Ayol Dalining qizi ekanligi haqida ma’lumot tarqatib, hatto bu masalani sudgacha olib borgan edi. Uning talabiga ko‘ra san’atkorning qabri ochilib, eksgumatsiya o‘tkazildi. Ammo qabrdan olingan DNK namunalari Abel xonimning da’volari asossizligini ko‘rsatdi.
Salvador Dali Kataloniyaning Figeras shaharchasida dafn etilgan. Pilar Abel Kataloniyaning Jirona shahrida istiqomat qiladi. Eksgumatsiya chog‘ida marhumning sochi, tirnog‘i, tishidan namunalar olindi, shuningdek, ikkita suyagi tashqariga chiqarildi.
Izoh (0)