Venesuela AQShga “Xarvi” to‘foni asoratlarini bartaraf etish uchun 5 million dollar taqdim etishga tayyor. Bu haqda mamlakat tashqi ishlar vaziri Xorxe Arreasa ma’lum qildi, deya xabar beradi “TASS”.
“PDVSA davlat neftgaz kompaniyasining AQShda ishlaydigan Citgo sho‘’ba korxonasi Xyuston va Korpus-Kristi shaharlaridagi jabrlangan oilalarni qo‘llab-quvvatlash uchun 5 million dollar miqdorida to‘g‘ridan-to‘g‘ri yordam ko‘rsatish niyatida. Shuningdek, biz mintaqaga qutqaruvchilar va shifokorlarni jo‘natishga ham tayyormiz. Bu haqda AQShning Karakasdagi muvaqqat vakilini yozma ravishda xabardor qildik”, — dedi Xorxe Arreasa.
Vazir ikki mamlakat hukumatlari o‘rtasidagi siyosiy qarama-qarshiliklarga qaramay, Venesuela AQSh xalqi bilan birdam ekanligini ta’kidladi.
Izoh (0)