Yaponiya terma jamoasi 2018-yil Rossiyada bo‘lib o‘tadigan Jahon Chempionatiga boradi. Saralashning 9-turida Avstraliyani mag‘lub etgan kunchiqar yurt terma jamoasi mundial chiptasini naqd qilib qo‘ydi.
Uchrashuvning har ikki bo‘limida yaponiyalik futbolchilar 1 tadan gol urishga muvaffaq bo‘ldi. Tomonlarning Melburnda o‘tgan dastlabki o‘yinida 1:1 hisobi qayd etilgandi.
Shu tariqa Yaponiya termasi Erondan keyin JCh chiptasini qo‘lga kiritgan Osiyoning ikkinchi termasiga aylandi. 5-sentabr kuni ular Saudiya Arabistoni mehmoni bo‘ladi. Avstraliya esa o‘z uyida Tailandni qabul qiladi.
JCh—2018. Saralash “B” guruhi. 9-tur 31-avgust, payshanba
Yaponiya — Avstraliya 2:0
Gollar: Asano, 42 (1:0). Ideguchi, 82 (2:0).
Izoh (0)