O‘zbekiston Ekspo—2017 ko‘rgazmasida eng ko‘p tashrif buyurilgan xalqaro pavilyonlar orasida 7-o‘rinni egalladi

Qozog‘iston poytaxti Ostona shahrida bo‘lib o‘tgan Ekspo—2017 ko‘rgazmasida Misr eng ko‘p tashrif buyurilgan xalqaro pavilyonga aylandi. Bu haqda Ekspo—2017 media markaziga tayanib, “Kazinform” xabar berdi.

21-avgustdan 27-avgustga qadar bo‘lib o‘tgan Ekspo—2017 xalqaro ixtisoslashtirilgan ko‘rgazmasiga 347 130 kishi, ya’ni kuniga o‘rtacha 49 590 nafar odam tashrif buyurdi.

10-iyundan 27-avgustga qadar ko‘rgazmaga umumiy miqdorda 3 126 950 kishi tashrif buyurgan. Ko‘rgazmaning barcha obyektlariga umumiy tashriflar soni — 25 372 692 bo‘lib, jumladan, xalqaro pavilyonlarga — 22 334 701 marta, ko‘rgazma obyektlariga — 3 037 991 marta tashrif buyurilgan.

Eng ko‘p tashrif buyurilgan xalqaro pavilyonlar o‘ntaligi:

1. Misr;
2. Afrika plazasi;
3. Turkiya;
4. Tailand;
5. Ozarbayjon;
6. Hindiston;
7. O‘zbekiston;
8. Rossiya;
9. Yaponiya;
10. Saudiya Arabistoni qirolligi.