Қозоғистон пойтахти Остона шаҳрида бўлиб ўтган Экспо—2017 кўргазмасида Миср энг кўп ташриф буюрилган халқаро павильонга айланди. Бу ҳақда Экспо—2017 медиа марказига таяниб, «Казинформ» хабар берди.
21 августдан 27 августга қадар бўлиб ўтган Экспо—2017 халқаро ихтисослаштирилган кўргазмасига 347 130 киши, яъни кунига ўртача 49 590 нафар одам ташриф буюрди.
10 июндан 27 августга қадар кўргазмага умумий миқдорда 3 126 950 киши ташриф буюрган. Кўргазманинг барча объектларига умумий ташрифлар сони — 25 372 692 бўлиб, жумладан, халқаро павильонларга — 22 334 701 марта, кўргазма объектларига — 3 037 991 марта ташриф буюрилган.
Энг кўп ташриф буюрилган халқаро павильонлар ўнталиги:
- Миср;
- Африка плазаси;
- Туркия;
- Таиланд;
- Озарбайжон;
- Ҳиндистон;
- Ўзбекистон;
- Россия;
- Япония;
- Саудия Арабистони қироллиги.
Изоҳ (0)