“Xoffenxaym” postiga umumiy hisobda 6 ta gol urgan “Liverpul” Chempionlar Ligasi guruh bosqichida

Angliyaning “Liverpul” klubi Yevropa Chempionlar Ligasining guruh bosqichida to‘p suradi.

Yurgen Klopp shogirdlari pley-offning ilk o‘yinida “Xoffenxaym” maydonidan 2:1 hisobidagi g‘alaba bilan qaytib kelgandi. Tomonlarning “Enfild”dagi o‘yinida “mersisayd” klubi 4:2 hisobida zafar quchdi.

Shu tariqa Angliyaning 5 ta klubi Chempionlar Ligasining guruh bosqichida ishtirok etadigan bo‘ldi. Bunga qadar “Chelsi”, “Tottenhem” va “Manchester Siti” guruh bosqichiga to‘g‘ridan-to‘g‘ridan yo‘llanma olgan bo‘lsa, “Manchester Yunayted” Yevropa Ligasidagi g‘olibligi tufayli shunga muvaffaq bo‘lgandi.

Kechagi kun natijalariga ko‘ra, Rossiyaning “SSKA”, Portugaliyaning “Sporting”, Ozarbayjonning “Qorabog‘”, Kiprning “Apoel” klublari ham guruh bosqichida o‘ynash imkoniyatini qo‘lga kiritdi.

Chempionlar Ligasi Pley-off raundi 23-avgust, seshanba

“SSKA” (Rossiya) — “Yang Boyz” (Shveysariya) 2:0

“Liverpul” (Angliya) — “Xoffenxaym” (Germaniya) 4:2

“Styaua” (Ruminiya) — “Sporting” (Portugaliya) 1:5

“Kopengagen” (Daniya) — “Qorabog‘” (Ozarbayjon) 2:1

“Slaviya” (Chexiya) — “Apoel” (Kipr) 0:0