«Хоффенхайм» постига умумий ҳисобда 6 та гол урган «Ливерпуль» Чемпионлар Лигаси гуруҳ босқичида

Англиянинг «Ливерпуль» клуби Европа Чемпионлар Лигасининг гуруҳ босқичида тўп суради.

Юрген Клопп шогирдлари плей-оффнинг илк ўйинида «Хоффенхайм» майдонидан 2:1 ҳисобидаги ғалаба билан қайтиб келганди. Томонларнинг «Энфилд»даги ўйинида «мерсисайд» клуби 4:2 ҳисобида зафар қучди.

Шу тариқа Англиянинг 5 та клуби Чемпионлар Лигасининг гуруҳ босқичида иштирок этадиган бўлди. Бунга қадар «Челси», «Тоттенҳэм» ва «Манчестер Сити» гуруҳ босқичига тўғридан-тўғридан йўлланма олган бўлса, «Манчестер Юнайтед» Европа Лигасидаги ғолиблиги туфайли шунга муваффақ бўлганди.

Кечаги кун натижаларига кўра, Россиянинг «ЦСКА», Португалиянинг «Спортинг», Озарбайжоннинг «Қорабоғ», Кипрнинг «Апоэл» клублари ҳам гуруҳ босқичида ўйнаш имкониятини қўлга киритди.

Чемпионлар Лигаси Плей-офф раунди 23 август, сешанба

«ЦСКА» (Россия) — «Янг Бойз» (Швейцария) 2:0

«Ливерпуль» (Англия) — «Хоффенхайм» (Германия) 4:2

«Стяуа» (Руминия) — «Спортинг» (Португалия) 1:5

«Копенгаген» (Дания) — «Қорабоғ» (Озарбайжон) 2:1

«Славия» (Чехия) — «Апоэл» (Кипр) 0:0