Toshkent shahar Yakkasaroy tuman IIBda o‘tkazilgan “Tozalash” tadbirida profilaktika inspektorlari tomonidan qo‘shmachilik bilan shug‘ullangan erkak qo‘lga olindi. Bu haqda IIV Huquqbuzarliklar profilaktikasi bosh boshqarmasi xabar berdi.
Yakkasaroy tumanida 9-avgust kuni soat 22:00 da “Shahrisabz Tabaka” kafesi oldida 1993-yilda tug‘ilgan E.A. 40000 so‘m evaziga 1995-yilda tug‘ilgan A.I. va 1990-yilda tug‘ilgan M.N.ga jinsiy aloqa qilishi uchun qo‘shmachilik qilganligi aniqlandi. Daliliy ashyo sifatida 40000 so‘m pul olingan.
Mazkur holat yuzasidan Yakkasaroy tumani IIB tomonidan fuqaro E.A.ga nisbatan O‘zbekiston Respublikasi Jinoyat Kodeksining 131-moddasi 2-qismi bilan jinoyat ishi qo‘zg‘atildi.
Izoh (0)