Afg‘onistonning Qandahor viloyatida NATO karvoniga uyushtirilgan hujum oqibatida amerikalik ikki harbiy halok bo‘ldi. Bu haqda “RIA Novosti” xabar bermoqda.
“NATOning Afg‘onistondagi missiyasi Qandahor viloyatidagi hujum oqibatida AQShning ikki harbiy xizmatchisi halok bo‘lagni, yana to‘rt nafar amerikalik jarohat olganini tasdiqlaydi”, — deyiladi missiya saytida e’lon qilingan axborotda.
Hujum 2-avgust, chorshanba kuni tongda yuz bergan. Tolo News telekanali ma’lumotlariga ko‘ra, Qandahor aeroporti tomon harakatlanayotgan chet el harbiylari kolonnasiga avtomobildagi terrorchi-xudkush hujum qilgan.
Izoh (0)