Joriy yilning 29-iyul kuni Yunusobod tuman IIB HPB profilaktika inspektorlari tomonidan fohishaxona saqlagan shaxs qo‘lga olindi. Bu haqda “Daryo”ga IIV Huquqbuzarliklar profilaktikasi bosh boshqarmasi xabar berdi.
Yunusobod tumanida 29-iyul kuni soat 18:00 da o‘tkazilgan tezkor tadbirlar vaqtida “ToshGres-4” dahasida ijara shartnomasi asosida yashab kelayotgan, 1987-yilda tug‘ilgan surxondaryolik B.G. ushbu xonadonda 50 ming so‘m evaziga, 1992-yilda tug‘ilgan K.Y. va 1997-yilda tug‘ilgan Chirchiq shahrida yashovchi A.G.larga jinsiy aloqa qilish uchun sharoit yaratib berganligi aniqlangan.
Daliliy ashyo sifatida 50 ming so‘m pul olingan.
Yunusobod tuman IIB tomonidan fuqaro B.G.ga nisbatan O‘zbekiston Respublikasi Jinoyat Kodeksining 131-moddasi 1-qismi bilan jinoyat ishi qo‘zg‘atilgan.
Izoh (0)